የGmail ፕሮግራም መመሪያዎች

ከታች ያሉት የመረሐ-ግብር መመሪያዎች ለGmail ይተገበራሉ። መመሪያዎቹ ለሁሉም የGmail ተጠቃሚዎች አዎንታዊ ተሞክሮ ለማስጠበቅ አስፈላጊ ሚና ይጫወታሉ።

እነዚህን አገልግሎቶች የማቅረብ አቅማችንን አደጋ ውስጥ የሚከቱ የአላግባብ አጠቃቀሞችን መግታት ያስፈልገናል፣ እና ይህን ዓላማ ለማሳካት እንዲያግዘን እያንዳንዱ ሰው ከታች ባሉት ፖሊሲዎች እንዲገዛ እንጠይቃለን። የመምሪያ ጥሰት ሊሆን ይችላል በሚል ማሳወቂያ ሲደርሰን፣ ይዘቱን ልንገመግም እና ተጠቃሚው በGoogle ምርቶች ላይ ያለውን መዳረሻ መገደብ ወይም ማቋረጥን የሚያካትት እርምጃ ልንወስድ እንችላለን። መለያዎ ተሰናክሎ ከሆነ እና ስህተት ነው ብለው ካመኑ፣ እባክዎ እዚህ ገጽ ላይ ያሉትን መመሪያዎች ይከተሉ።

ከማከማቻ ኮታ ገደቦች በላይ የሄዱ መለያዎች ላይ እርምጃ ልንወስድ እንችላለን። ለምሳሌ፣ የማከማቻዎን ኮታ ካለፉ መልዕክቶችን መላክ ወይም መቀበል ልንከለክል እንችላለን። ማከማቻዎን ካልቀነሱ ወይም በቂ የሆነ ተጨማሪ ማከማቻ ማግኘት ካልቻሉ ከመለያዎ ላይ ይዘትን ልንሰርዝም እንችላለን። የማከማቻ ኮታዎችን በተመለከተ እዚህተጨማሪ ያንብቡ።

እነዚህ መመሪያዎች ሊለወጡ ስለሚችሉ ከጊዜ ወደ ጊዜ እየተመለሱ ማየትዎን እርግጠኛ ይሁኑ። እባክዎ ለተጨማሪ መረጃ የGoogle የአገልግሎት ውልንም እንደማጣቀሻ ይመልከቱ።

ያለ አግባብ መጠቀምን ሪፖርት አድርግ

አንድ መለያ የመረሐ-ግብር መመሪያዎቻችንን ጥሷል ብለው የሚያምኑ ከሆነ፣ እሱን ሪፖርት ለማድረግ በርካታ መንገዶች አሉ።

የመለያ እንቅስቃሴ አልባነት

ንቁ እንደሆኑ ለመቆየት ምርቱን ይጠቀሙበት። እንቅስቃሴ ቢያንስ በየ2 ዓመቱ ምርቱን ወይም ይዘቱን መድረስ ያካትታል። በቦዘኑ መለያዎች ላይ እርምጃ ልንወስድ የምንችል ሲሆን፣ ይህም ከምርቱ ላይ መልዕክቶችዎን መሰረዝ ሊያካትት ይችላል። እዚህ ተጨማሪ ያንብቡ።

አይፈለጌ መልዕክት እና የጅምላ መልዕክት

Gmailን አይፈለጌ መልዕክት ወይም የማይታወቅ የንግድ መልዕክት ለማሰራጨት አይጠቀሙ።

የCAN-SPAM Actን ወይም ሌሎች ፀረ-አይፈለጌ መልዕክት ህጎችን የሚጥሱ ኢሜይሎችን ለመላክ፤ በክፍት፣ ሶስተኛ ወገን አገልጋዮች በኩል ያልተፈቀደ ኢሜይል ለመላክ፤ ወይም ያለስምምነታቸው የማንኛውንም ሰው የኢሜይል አድራሻዎችን ለማሰራጨት Gmailን መጠቀም አይፈቀድልዎትም።

ተጠቃሚዎችን በሚያሳስት ወይም በሚያታልል መልኩ፣ ኢሜይሎችን ለመላክ፣ ለመሰረዝ ወይም ለማጣራትም ቢሆን፣ የGmail በይነገጽን ራስ ሰር ማድረግ አይፈቀድልዎትም።

እባክዎ «ያልተጠየቀ» ወይም «የማይፈለግ» መልዕክት ላይ የእርስዎ ትርጉም እና የኢሜይል ተቀባዮችዎ ግንዛቤ የተለየ ሊሆን እንደሚችል ልብ ይበሉ። ተቀባዮቹ ባለፉት ጊዜያት ኢሜይሎችን ከእርስዎ ለመቀበል ተመራጭ ቢሆኑም እንኳን በርካታ ቁጥር ላላቸው ተቀባዮች ኢሜይል በሚልኩበት ጊዜ የራስዎን ውሳኔ ይውሰዱ። የGmail ተጠቃሚዎች ኢሜይሎችን እንደ አይፈለጌ መልዕክት ምልክት ሲያደርጉ ወደፊት የሚልኳቸውንም መልዕክቶች በእኛ ፀረ-አላግባብ መጠቀም ስርዓቶች እንደ አይፈለጌ መልዕክት የመመደባቸውን እድል ይጨምራል።

የበርካታ የGmail መለያዎች አፈጣጠር እና አጠቃቀም

የGoogle መመሪያዎችን አላግባብ ለመጠቀም፣ የGmail መለያ ገደቦችን አላግባብ ለማለፍ፣ ማጣሪያዎችን በዘዴ ለማለፍ ወይም በሌላ መልኩ በመለያዎ ላይ የተቀመጡ ገደቦችን ለመገልበጥ በርካታ መለያዎችን አይፍጠሩ ወይም አይጠቀሙ። (ለምሳሌ፦ በሌላ ተጠቃሚ ታግደው ከነበረ ወይም በአላግባብ መጠቀም ምክንያት የGmail መለያዎ ተወግዶ ከነበረ በተመሳሳይ እንቅስቃሴ ላይ የሚሳተፍ ምትክ መለያ አይፍጠሩ።)

እንዲሁም የGmail መለያዎችን በራስ ሰር መንገዶች መፍጠር ወይም የGmail መለያዎችን ከሌሎች መግዛት፣ መሸጥ መነገድ ወይም ዳግም መሸጥ አልተፈቀደለዎትም።

ተንኮል አዘል ዌር

Gmailን ቫይረሶችን፣ ተንኮል አዘል ዌርን፣ ዎርሞችን፣ ግድፈቶችን፣ ተንኮል አዘሎችን፣ የተበላሹ ፋይሎችን፣ ወይም ማንኛቸውም እነዚህን የመሰሉ የማውደም ወይም የማሳሳት ተፈጥሮ ያላቸውን ለማስተላለፍ አይጠቀሙ። በተጨማሪም፣ በአውታረ መረቦች፣ አገልጋዮች ወይም የGoogle ወይም የሌሎች የሆነ ሌላ መሠረተ ልማትን ክወና የሚጎዳ ወይም በስራቸው ጣልቃ የሚገባ ይዘት አያሰራጩ።

ማጭበርበር፣ ማስገር እና ሌሎች አታላይ ልማዶች

የሌላ ተጠቃሚን የGmail መለያ ግልጽ የሆነ ፈቃዳቸው ሳይኖር መድረስ ምናልባት አይችሉም።

Gmailን ለማስገር አይጠቀሙ። የይለፍ ቃላት፣ የፋይናንስ ዝርዝሮች፣ እና የማህበራዊ ዋስትና ቁጥሮችን እና ሌሎችንም ጨምሮ ሚስጥራዊነት ያለው ውሂብ ከማጠያየቅ ወይም ከመሰብሰብ ይቆጠቡ።

ሌሎች ተጠቃሚዎችን በሐሰተኛ ማስመሰል ቀርበው፣ በተንኮል፣ በማሳሳት፣ ወይም በማታለል መረጃ እንዲያጋሩ ለማድረግ መልዕክቶችን አይላኩ። ይህም ማታለልን ወይም ማሳሳትን ዓላማ በማድረግ ሌላ ሰው፣ ድርጅት ወይም አካል መስሎ መቅረብን ያካታትታል።

የህጻናት ደህንነት

Google የህፃናት ወሲባዊ ጥቃት ምስሎችን የሚቃወም በፍፁም የማያወላዳ መመሪያ አለው። እንደዚህ ያለ ይዘት እንዳለ ካወቅን ህግ በሚጠይቀው መሰረት የጠፉ እና ጥቃት የደረሰባቸው ህጻናት ብሔራዊ ማዕከል ሪፖርት እናደርጋለን። እንዲሁም በጉዳዩ የተሳተፉ ሰዎችን የGmail መለያዎች ማቋረጥን ጨምሮ የቅጣት እርምጃ ልንወስድ እንችላለን።

Gmailን ተጠቅሞ ህፃናትን ለወሲብ ነክ ጉዳዮች ማዘጋጀትን Google ይከለክላል። ትርጓሜውም፤ ከአንድ ልጅ ጋር ግንኙነት መመስረትን ዓላማ አድርጎ በራስ መተማመኑን ዝቅ በማድረግ ለወሲባዊ ጥቃት ዝግጅት የሚደረጉ ማንኛውም ተግባራትን፣ ሕገወጥ የሰው ዝውውርን፣ ወይም ሌላ አይነት ብዝበዛን ማለት ነው።

አንድ ህፃን የጥቃት፣ የብዝበዛ፣ ወይም የህገወጥ ዝውውር ሰለባ ሆኗል ወይም አሁን አደጋ ላይ ነው ብለው ካመኑ ወዲያውኑ በአካባቢዎ ላሉ የህግ አስፈጻሚዎች ያሳውቁ።

ቀደም ብለው ለህግ አስፈጻሚዎች ሪፖርት አድርገው ከነበረና ተጨማሪ እገዛ የሚፈልጉ ከሆነ፣ ወይም Gmailን በመጠቀም አንድ ህፃን ከዚህ ቀደም የአደጋ ተጋላጭ ነበር ወይም አሁን አደጋ ላይ ነው የሚሉ ስጋቶች ካለዎት፣ ይህንን ባህሪይ ለGoogle ይህን ቅጽ በመጠቀም ሪፖርት ማድረግ ይችላሉ። በGmail እንዲያገኝዎ የማይፈልጉትን ሰው በማንኛውም ጊዜ ማገድ እንደሚችሉ እባክዎ ያስታውሱ።

የቅጂ መብት

የቅጂ መብት ህጎችን ያክብሩ። እውቅና፣ የንግድ ምልክት፣ የንግድ ሚስጥር ወይም ሌሎች የባለቤትነት መብቶችን ጨምሮ የሌሎች ሰዎችን የአእምሮ ንብረት መብቶች አይጣሱ። እንዲሁም የአዕምሮ ንብረት መብቶችን ሌሎች እንዲጥሱ ለማበረታታት ወይም ለማሳሳት አይፈቀድልዎትም። የቅጂ መብት ጥሰቶችን ይህን ቅጽ በመጠቀም ለGoogle ሪፖርት ማድረግ ይችላሉ።

ትንኮሳ

Gmailን ለመተንኮስ፣ ለማስፈራራት ወይም ሌሎች ላይ ስጋት ለመፍጠር አይጠቀሙ። Gmailን ለእነዚህ አላማዎች ሲጠቀም የተገኘ ማንኛውም ሰው መለያው ሊወገድ ይችላል።

ህገወጥ እንቅስቃሴ

ህጋዊ ይሁኑ። Gmailን ህገወጥ እንቅስቃሴዎችን ለማስተዋወቅ፣ ለማደራጀት ወይም ለመሳተፍ አይጠቀሙ።